DK Shivakumar: ಡಿಕೆ ಶಿವಕುಮಾರ್‌ಗೆ 16 ಲಕ್ಷ ರೂ. ಮೌಲ್ಯದ ಭರ್ಜರಿ ಗಿಫ್ಟ್: ಇದರ ಹಿಂದೆ ಇರುವ ವಿಶೇಷತೆ ಏನು?

D K Shivakumar

ಕರಾವಳಿ ಉತ್ಸವದ ವೇಳೆ ಉಪಮುಖ್ಯಮಂತ್ರಿ ಡಿಕೆ ಶಿವಕುಮಾರ್ ಅವರಿಗೆ ಸುಮಾರು 16 ಲಕ್ಷ ರೂ. ಮೌಲ್ಯದ ಅಪರೂರ್ವ ಶ್ರೀಗಂಧ ಕಲಾಕೃತಿಯನ್ನು ಕರಾವಳಿಯ ಖ್ಯಾತ ಉದ್ಯಮಿ ಹಾಗೂ ಸಾಮಾಜಿಕ ಕಾರ್ಯಕರ್ತರಾದ ಸತೀಶ್ ಸೇಲ್ ಅವರು ಉಡುಗೊರೆಯಾಗಿ ನೀಡಿದರು. ಈ ಉಡುಗೊರೆ ಅದರ ದುಬಾರಿ ಬೆಲೆಯ ಜೊತೆಗೆ ಅದರಲ್ಲಿರುವ ಸಾಂಸ್ಕೃತಿಕ ಅರ್ಥದಿಂದಲೂ ವಿಶೇಷವಾಗಿ ಗಮನ ಸೆಳೆದಿದೆ.

ನೈಸರ್ಗಿಕ ಶ್ರೀಗಂಧದಿಂದ ತಯಾರಿಸಲಾದ ಈ ಕಲಾಕೃತಿಯಲ್ಲಿ ಸೂಕ್ಷ್ಮ ಕೆತ್ತನೆ, ಶುದ್ಧ ಮರದ ಗುಣಮಟ್ಟ ಮತ್ತು ಪರಂಪರೆಯ ಶಿಲ್ಪಶೈಲಿ ಸ್ಪಷ್ಟವಾಗಿ ಕಾಣುತ್ತದೆ. ಅನುಭವಿ ಹಸ್ತಶಿಲ್ಪಿಗಳ ದೀರ್ಘಕಾಲದ ಶ್ರಮದಿಂದ ರೂಪುಗೊಂಡಿರುವ ಈ ಕೃತಿ, ಕರ್ನಾಟಕದ ಶ್ರೀಗಂಧ ಶಿಲ್ಪಕಲೆಯ ವೈಭವವನ್ನು ಪ್ರತಿಬಿಂಬಿಸುತ್ತದೆ.

ಕರಾವಳಿ ಉತ್ಸವದ ವೇದಿಕೆಯಲ್ಲಿ ಸತೀಶ್ ಸೇಲ್ ಅವರು ಈ ಕಲಾಕೃತಿಯನ್ನು ಡಿಕೆ ಶಿವಕುಮಾರ್ ಅವರಿಗೆ ಪ್ರದಾನಿಸಿದ್ದು, ಕರಾವಳಿ ಭಾಗದ ಕಲೆ, ಸಂಸ್ಕೃತಿ ಮತ್ತು ಹಸ್ತಶಿಲ್ಪ ಪರಂಪರೆಗೆ ಗೌರವ ಸಲ್ಲಿಸುವ ಉದ್ದೇಶವನ್ನೇ ಹೊಂದಿದೆ ಎಂದು ತಿಳಿದುಬಂದಿದೆ. ಜೊತೆಗೆ, ಸ್ಥಳೀಯ ಕಲಾವಿದರ ಪ್ರತಿಭೆಯನ್ನು ಗುರುತಿಸುವ ಸಂದೇಶವೂ ಇದರೊಂದಿಗೆ ಹೊರಬಂದಿದೆ.