News: “ಶೋಭಿತಾ ಬಗ್ಗೆ ನಾಗ ಚೈತನ್ಯ ಭಾವನಾತ್ಮಕ ಹೇಳಿಕೆ: ‘ಅವಳಿಗೆ ನಡೆಯುತ್ತಿರುವುದು ಅನ್ಯಾಯ’”

ದಕ್ಷಿಣ ಭಾರತೀಯ ಚಿತ್ರರಂಗದ ನಟ ನಾಗ ಚೈತನ್ಯ ಅವರು ತಮ್ಮ ವೈಯಕ್ತಿಕ ಜೀವನದ ಬಗ್ಗೆ ಮತ್ತೆ ಮಾತುಕತೆ ನಡೆಸಿದ್ದಾರೆ. ನಟಿ ಶೋಭಿತ ಧೂಲಿಪಾಲ ಅವರೊಂದಿಗೆ ಮದುವೆಯಾದ ಬಳಿಕ ಮೊದಲ ಬಾರಿಗೆ ಅವರು ಹೃದಯದಾಳದ ಅಭಿಪ್ರಾಯ ಹಂಚಿಕೊಂಡಿದ್ದಾರೆ.

ನಾಗ ಚೈತನ್ಯ ಅವರು 2024ರ ಡಿಸೆಂಬರ್ 04 ರಂದು ಶೋಭಿತಾ ಅವರೊಂದಿಗೆ ವೈವಾಹಿಕ ಜೀವನಕ್ಕೆ ಕಾಲಿಟ್ಟಿದ್ದಾರೆ. ಈ ಸಂಬಂಧ ಸಾಮಾಜಿಕ ಜಾಲತಾಣಗಳ ಮೂಲಕ ಆರಂಭವಾಗಿ, ನಂತರ ಸ್ನೇಹವಾಗಿ ಬೆಳೆಯುತ್ತಾ ಪ್ರೀತಿಗೆ ತಿರುಗಿ ವಿವಾಹದವರೆಗೆ ಬಂದಿದ್ದು ವಿಶೇಷವಾಗಿದೆ.

ಇತ್ತೀಚೆಗೆ ಮಾತನಾಡಿದ ಅವರು, “ಶೋಭಿತಾ ಬಗ್ಗೆ ನನಗೆ ನಿಜಕ್ಕೂ ಬೇಸರವಾಗುತ್ತಿದೆ. ನಮ್ಮಿಬ್ಬರ ಸಂಬಂಧ ಸಹಜವಾಗಿ ಆರಂಭವಾಯಿತು. ನಾವು ಮೊದಲು ಇನ್‌ಸ್ಟಾಗ್ರಾಮ್ ಮೂಲಕ ಸಂಪರ್ಕಕ್ಕೆ ಬಂದೆವು. ನಂತರ ಭೇಟಿ ಆಗಿ ಸ್ನೇಹ ಬೆಳೆದು, ಕಾಲಕ್ರಮೇಣ ಪ್ರೀತಿ ಮೂಡಿತು,” ಎಂದು ಹೇಳಿದ್ದಾರೆ.

ಅವರು ಮುಂದುವರೆದು, “ನನ್ನ ಹಿಂದಿನ ಜೀವನಕ್ಕೂ ಶೋಭಿತಾ ಅವರಿಗೆ ಯಾವುದೇ ಸಂಬಂಧ ಇಲ್ಲ. ಆದರೂ ಅವಳ ಸುತ್ತ ನಡೆಯುತ್ತಿರುವ ಟೀಕೆ ಮತ್ತು ದ್ವೇಷ ಅನ್ಯಾಯವಾಗಿದೆ. ಅವಳ ತಾಳ್ಮೆ ಮತ್ತು ಪ್ರಬುದ್ಧತೆ ನನಗೆ ತುಂಬಾ ಇಷ್ಟವಾಗಿದೆ. ನನ್ನ ದೃಷ್ಟಿಯಲ್ಲಿ ಅವಳು ನಿಜವಾದ ಹೀರೋ,” ಎಂದು ಹೇಳಿದ್ದಾರೆ.

ಶೋಭಿತಾ ಅವರು ಪರಿಸ್ಥಿತಿಯನ್ನು ಸಮಾಧಾನದಿಂದ ನಿಭಾಯಿಸುತ್ತಿರುವುದು ತಮ್ಮಗೆ ಸಂತೋಷವನ್ನು ತಂದಿದೆ ಎಂದು ನಾಗ ಚೈತನ್ಯ ಹೇಳಿದ್ದಾರೆ. ಈ ಹೇಳಿಕೆಗಳು ಇದೀಗ ಸಾಮಾಜಿಕ ಜಾಲತಾಣಗಳಲ್ಲಿ ವ್ಯಾಪಕವಾಗಿ ಚರ್ಚೆಯಾಗುತ್ತಿವೆ.