ಉಡುಪಿ: ಶಿವಮೊಗ್ಗ ಮೂಲದ ವೃದ್ಧನೊಬ್ಬ ಕೊರೋನಾ ವೈರಸ್ ಗೆ ಬಲಿ

ಉಡುಪಿ,ಜುಲೈ 25: ಉಡುಪಿ ಜಿಲ್ಲೆಯಲ್ಲಿ ಕೊರೊನಾ ವೈರಸ್ ನಿಂದಾಗಿ ಇನ್ನೊಂದು ಸಾವು ಸಂಭವಿಸಿದೆ. ಶಿವಮೊಗ್ಗ ಜಿಲ್ಲೆಯಿಂದ 75 ವರ್ಷದ ವೃದ್ಧರೊಬ್ಬರು ಜುಲೈ 24 ಶುಕ್ರವಾರದ ದಿನದಂದು ಉಡುಪಿಗೆ ಚಿಕಿತ್ಸೆಗಾಗಿ ದಾಖಲಾಗಿದ್ದರು.

ಮೂತ್ರಪಿಂಡ ಮತ್ತು ಶ್ವಾಸಕೋಶಕ್ಕೆ ಸಂಬಂಧಿಸಿದ ಆರೋಗ್ಯ ಸಮಸ್ಯೆಗಳಿಂದ ಬಳಲುತ್ತಿದ್ದ ವೃದ್ಧರೊಬ್ಬರು ಶಿವಮೊಗ್ಗ ಜಿಲ್ಲೆಯಿಂದ ಬಂದು ಮಣಿಪಾಲದಲ್ಲಿನ ಆಸ್ಪತ್ರೆಗೆ ಅಡ್ಮಿಟ್ ಆಗಿದ್ದರು. ಇದೇ ವೇಳೆಯಲ್ಲಿ ಅವರ ಗಂಟಲು ದ್ರವವನ್ನು ಪರೀಕ್ಷೆಗೆ ಕಳುಹಿಸಿದಾಗ ಅವರಲ್ಲಿ ಕರೋನವೈರಸ್ ಇರುವುದು ದೃಢಪಟ್ಟಿತ್ತು.

ಅವರು ಗಂಭೀರ ಸ್ಥಿತಿಯಲ್ಲಿ ಇದ್ದದ್ದರಿಂದ ಅವರನ್ನು ಐಸಿಯುನಲ್ಲಿ ಇರಿಸಲಾಗಿತ್ತು. ಆದರೆ ಚಿಕಿತ್ಸೆಗೆ ಸ್ಪಂದಿಸದ ಅವರು ಜುಲೈ 24 ಶುಕ್ರವಾರ ದಿನದಂದು ಮೃತಪಟ್ಟಿದ್ದಾರೆ. ಸರ್ಕಾರದ ನಿಯಮಾವಳಿ ಪ್ರಕಾರ ಸ್ಥಳೀಯ ಸ್ಮಶಾನದಲ್ಲಿ ವೃದ್ಧರ ಅಂತ್ಯಕ್ರಿಯೆಯನ್ನು  ನಡೆಸಲಾಗಿದೆ.